غزہ – مرکزاطلاعات فلسطین
فلسطینی وزارت صحت نے اعلان کیا ہے کہ گذشتہ 24 گھنٹوں کے دوران غزہ کی پٹی کے ہسپتالوں میں 13 شہداء کے جسد خاکی لائے گئےجن میں 9 کو ملبے کے نیچے سے نکالا گیا جب کہ اسرائیلی جارحیت میں مزید 4 فلسطینی شہید ہوگئے۔ اس کے علاوہ 16 فلسطینی زخمی ہوئے ہیں۔
وزارت صحت نے اپنے یومیہ بیان میں تصدیق کی ہے کہ سات اکتوبر 2023ء سے اب تک اسرائیلی جارحیت سے شہید ہونے والوں کی تعداد 48,284 ہوچکی ہے جب کہ 111,709 زخمی ہوئے ہیں۔
وزارت صحت نے کہا کہ ملبے کے نیچے اور سڑکوں پر اب بھی متعدد شہداء موجود ہیں مگر اسرائیلی فوج کی موجودگی اور ملبے کی وجہ سے ایمبولینس اور شہری دفاع کا عملہ ان تک نہیں پہنچ سکتا۔
