غزہ – مرکزاطلاعات فلسطین
فلسطینی وزارت صحت نے گذشتہ 48 گھنٹوں کے دوران غزہ کی پٹی کے ہسپتالوں میں 25 شہداء کی لاشیں منتقل کرنے کا اعلان کیا ہے جس کے بعد شہداء کی تعداد 48 ہزار 264 ہوگئی ہے۔
وزارت صحت نے ایک پریس بیان میں وضاحت کی کہ تمام شہداء کو تباہ شدہ مکانات کے ملبے تلے سے نکالا گیا۔ اس کے علاوہ ناکارہ بم پھٹنے سے 12 شہری زخمی ہوئے۔
وزارت صحت نے بتایا کہ سات اکتوبر 2023 سے اب تک اسرائیلی جنگ میں شہداء کی تعداد 48,264 اور زخمیوں کی تعداد 111,688 ہو گئی ہے۔
انہوں نے تصدیق کی کہ ملبے کے نیچے اور سڑکوں پر اب بھی ہزاروں متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
وزارت نے غزہ کی جنگ سے شہید اور لاپتہ ہونے والے افراد کے اہل خانہ سے مطالبہ کیا کہ وہ وزارت صحت کی طرف سے فراہم کردہ لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
