غزہ – مرکزاطلاعات فلسطین
فلسطین میں وزارت صحت نے غزہ کی پٹی میں 3 شہریوں کی شہادت اور 4 کے زخمی ہونے کی تصدیق کی ہے۔ غزہ کی پٹی میں مزید 28 شہداء کی لاشیں برآمد کی گئی ہیں۔
وزارت صحت نے آج جمعرات کو اپنے بیان میں کہا کہ گذشتہ 24 گھنٹوں کے دوران غزہ کی پٹی کے ہسپتالوں میں 31 شہداء کی لاشیں پہنچائی گئیں۔ گذشتہ چوبیس گھنٹوں مٰیں 4 فلسطینی زخمی ہوئے۔
وزارت صحت نے بتایا کہ 7 اکتوبر 2023ء سے اب تک اسرائیلی جارحیت سے شہید ہونےوالوں کی تعداد 47,583 ہوگئی۔ 111,633 زخمی ہو چکی ہیں۔
انہوں نے مزید کہا کہ "ابھی بھی بہت سے متاثرین ملبے کے نیچے اور سڑکوں پر ہیں۔ ایمبولینس اور شہری دفاع کا عملہ ان تک نہیں پہنچ سکتا”۔
انہوں نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
