دوحہ – مرکز اطلاعات فلسطین
اسلامی تحریک مزاحمت ’حماس‘ نے قطری وزیر اعظم اور وزیر خارجہ کے ساتھ جنگ بندی مذاکرات میں ہونے والی تازہ ترین پیش رفت اوراسے آگے بڑھانے کے طریقوں پر تبادلہ خیال کیا۔
قطری وزارت خارجہ نے ہفتے کی شام کہا کہ قطری وزیر اعظم نے خلیل الحیہ کی سربراہی میں جنگ بندی کے مذاکرات کے لیے حماس کے وفد کا استقبال کیا۔
وزارت خارجہ نے ایک پریس بیان میں کہا کہ اجلاس میں غزہ میں جنگ بندی کے مذاکرات کی تازہ ترین پیش رفت کا جائزہ لیا گیا۔ دونوں فریقوں نے واضح اور جامع معاہدے تک پہنچنے کو یقینی بنانے کے لیے مذاکرات کو آگے بڑھانے کے طریقوں پر تبادلہ خیال کیا۔
قطری وزارت خارجہ کے ترجمان ماجد الانصاری کے ایک سابقہ بیان میں انہوں نے کہا تھا کہ دوحہ میں تکنیکی سطح پر مذاکرات ابھی جاری ہیں، لیکن معاہدے تک پہنچنے کے لیے ٹائم ٹیبل کے بارے میں بات کرنا ممکن نہیں ہے۔
اسلامی تحریک مزاحمت "حماس” نے گذشتہ بدھ کو کہا کہ قابض اسرائیل نے انخلاء، جنگ بندی، قیدیوں اور بے گھر افراد کی واپسی سے متعلق نئے مسائل اور شرائط طے کی ہیں۔
حماس نے ایک پریس بیان میں مزید کہا کہ قطری اور مصری ثالثی کے ساتھ دوحہ میں جنگ بندی اور قیدیوں کے تبادلے کے مذاکرات سنجیدگی سے آگے بڑھ رہے ہیں۔
