غزہ – مرکزاطلاعات فلسطین
منگل کی شام قابض اسرائیلی فوج نے غزہ کی پٹی کے شمال میں واقع جبالیہ النزلہ قصبے میں ایک آباد مکان پر بمباری کے بعد ایک فلسطینی خاندان کے خلاف ایک نیا قتل عام کیا۔
طبی اور مقامی ذرائع نے بتایا کہ قابض صہیونی فوج کی طرف سے کی گئی جارحیت میں 9 شہری شہید اور متعدد زخمی ہوگئے۔ جبالیہ النزلہ میں خلہ اسٹیشن کے قریب "ابو وردہ” خاندان کے لیے ایک رہائشی عمارت پر اسرائیلی فضائی بمباری میں شہید ہونے والوں میں خواتین اور بچے شامل ہیں۔
قابض اسرائیل فوجی جارحیت، وحشیانہ جنگ اور غزہ کی پٹی میں نسل کشی کے جرائم کو مسلسل 445 ویں دن بھی جاری رکھے ہوئے ہے، جو کہ شمالی غزہ کی پٹی میں نسلی صفائی اور شہریوں کی نقل مکانی کی کارروائیوں کی شکل میں جاری ہے۔
اسرائیلی جارحیت پر فلسطینی وزارت صحت کی طرف سے جاری کردہ روزانہ اپ ڈیٹ رپورٹ کے مطابق قابض فوج نے سوموار غزہ کی پٹی میں فلسطینی خاندانوں اور بے گھر افراد کے خلاف تین نئے قتل عام کیے جس کے نتیجے میں 21 شہری شہید اور 51 شہری زخمی ہوئے جن میں اکثریت خواتین اور بچوں کی تھی۔
غزہ کی پٹی کے خلاف مسلسل 445ویں روز جاری اسرائیلی فوجی جارحیت میں 7 اکتوبر 2023 سے اب تک 45338 فلسطینی شہید اور 107,764 زخمی ہوچکے ہیں۔
