دوحہ – مرکز اطلاعات فلسطین
اسلامی تحریک مزاحمت ’حماس‘ کی وفد نے ترکی کے وزیر انٹیلی جنس ڈاکٹر ابراہیم قالن سے ملاقات کی۔ قطر کے دارالحکومت دوحہ میں ہونے والی اس ملاقات میں دونوں فریقین نےغزہ کی جنگ اور مختلف علاقائی اور بین الاقوامی پیش رفتوں اور ان کے اثرات پر تبادلہ خیال کیا۔
قالن کا استقبال حماس کی شوریٰ کونسل کے چیئرمین، لیڈر شپ کونسل کے چیئرمین محمد درویش اور تحریک کی قیادت کونسل کے متعدد اراکین نے کیا۔
محمد درویش نے فلسطینی عوام کے خلاف غاصب ریاست کی کھلی جنگ، شہریوں کے خلاف مسلسل قحط کی پالیسی، پانی اور خوراک کی فراہمی روکنے، عمارتوں، رہائشی سہولیات اور انفراسٹرکچر کی تباہی اور نہیں بموں سے اڑانے اور خاص طور پر شمالی غزہ میں میں زندگی کی تمام ضروریات ختم کرنے کے لیے جاری صہیونی دہشت گردی پر بات کی۔
انہوں نے مغربی کنارے اور مقبوضہ بیت المقدس کی صورتحال اور قابض ریاست کی جیلوں میں فلسطینی قیدیوں کو تکالیف پہنچانے اور انہیں اذیتیں دینے کے بارے میں بھی ترک وزیر کو آگاہ کیا۔
اس موقعے پر ترکیہ کے انٹیلی جنس کے وزیر ڈاکٹرابراہیم قالن نے مسئلہ فلسطین کے حوالے سے ترکیہ کے اصولی موقف پر زور دیا۔ انہوں نے جمہوریہ ترکیہ کی طرف سے جنگ بندی کے حصول اور فلسطینی عوام کے مصائب کے خاتمے کے لیے کی جانے والی کوششوں کے عزم کا اعادہ کیا۔
