مغربی کنارے – مرکزاطلاعات فلسطین
فلسطینی اسیران کے حقوق کے لیے کام کرنے والے اداروں نے اسرائیلی دامون جیل کے اندر فلسطینی خواتین قیدیوں کے خلاف قابض فوجیوں کی جانب سے سنگین خلاف ورزیوں کا انکشاف کیا ہے۔
اداروں نے بتایا کہ قابض فوج خواتین قیدیوں کی تلاشی لیتے ہیں، اور انہیں چوبیس گھنٹے کیمروں کے ذریعے مانیٹر کیے جانے والے کمروں میں پردے کے بغیر آئسولیشن وارڈ میں لے جاتے ہیں۔
اس نے بتایا کہ انہیں کئی ہفتوں سے مناسب کھانا نہیں دیا گیا۔ پرانی اور خراب روٹی کے علاوہ تھوڑے سےخراب چنے دیے جاتے ہیں۔
قیدی اداروں کے جاری کردہ تازہ ترین اعدادوشمار کے مطابق دامون جیل میں خواتین قیدیوں کی تعداد 89 تک پہنچ گئی جن میں غزہ سے تعلق رکھنے والی چار خواتین قیدی بھی شامل ہیں۔
