غزہ – مرکزاطلاعات فلسطین
غزہ کی پٹی میں سول ڈیفنس سروس نے سات اکتوبر 2023ء کو غزہ کی پٹی پر اسرائیلی ریاست کی طرف سے مسلط کی گئی ہولناک جنگ کے دوران اپنے 87 ارکان کی شہادت کا اعلان کیا ہے۔
اتوار کو ایک پریس ریلیز میں ایجنسی نے جنگ کے آغاز سے لے کر اب تک ہونے والے نقصانات کے بارے میں ایک معلوماتی بریفنگ دی۔ انہوں نے اس بات پر زور دیا کہ قابض اسرائیلی فوج نے اس کے عملے کے 87 کارکنوں کو شہید کی۔ ایجنسی کے آگ پر قابو پانے،ریسکیو آلات اور ایمبولینس کا سامان تباہ کرتے ہوئے شہری دفاع کو تقریبا 1.3 ملین ڈالر مالیت کا نقصان پہنچایا۔
سول ڈیفنس نے وضاحت کی کہ غزہ گورنری میں سول ڈیفنس کی زیادہ تر گاڑیاں ایندھن کی کمی کی وجہ سے لگاتار 18ویں دن بھی کام سے محروم ہیں۔ انہوں نے نشاندہی کی کہ سول ڈیفنس کا نظام کام سے مکمل طور پر معطل ہے اور اس کی گاڑیاں 33ویں دن بھی شمالی غزہ کی پٹی میں روکی گئی ہیں۔
انہوں نے نشاندہی کی کہ جنگ کے آغاز سے اب تک سول ڈیفنس کے عملے کے شہید ہونے والوں کی تعداد 87 تک پہنچ گئی، جب کہ 304 ارکن زخمی اور 21 کو گرفتار کیا گیا۔
سول ڈیفنس نے بتایا کہ تباہ شدہ مراکز اور ہیڈ کوارٹرز کی تعداد 17 تک پہنچ گئی، جن میں سے 14 مکمل طور پر تباہ ہو گئے۔ 56 گاڑیاں مکمل طور پر تباہ ہوئیں، جن میں 12 فائر اینڈ ریسکیو گاڑیاں، دو ریپڈ انٹروینشن ریسکیو گاڑیاں، 4 واٹر ٹینکر گاڑیاں، 3 ایمبولینسز، ایک ہائیڈرولک ریسکیو کرین اور 13 انتظامی گاڑیاں تباہ کی گئیں۔
شہری دفاع نے بتایا کہ قابض فوج نے فیلڈ مشن کے دوران عملے کو نشانہ بنانے کے 18 واقعات کے علاوہ سول ڈیفنس کے مراکز کو 6 بار براہ راست نشانہ بنایا۔
