شمالی مقبوضہ مغربی کنارے میں نابلس شہر کے مشرق میں واقع بلاطہ اور عسکر الجدید کیمپوں پر قابض فوج کے بدھ کے روز دھاوے کے دوران تین شہری زخمی ہو گئے۔
مقامی ذرائع نےاطلاع دی ہے کہ قابض فوج نے القدس اسٹریٹ کے راستے نابلس کے مشرقی علاقے پر دھاوابولا اور بلاطہ کیمپ اور اس کے مضافات میں گھروں میں گھس کر تلاشی لی۔
اس دوران مزاحمتیکارکنوں کا قابض فوج سے آمنا سامنا ہوا۔ اولو العزم مسجد کے قریب اور حششاشین محلےمیں مسلح جھڑپیں ہوئیں۔ اس دوران قابض فوج نے ڈرونز کا استعمال کیا اور شہریوں پر فائرنگ کی۔ جھڑپوںکے دوران دھماکہ خیز مواد کے پھٹنے کی بھی اطلاعات آئیں۔
قابض فوج عسکر الجدیدکیمپ کی طرف پلٹی۔ وہاں بھی اسرائیلی قابض فوج اور مزاحمت کاروں کے درمیان جھڑپیںہوئیں۔
ایمبولینس کےعملے نے گولیوں سے زخمی ایک نوجوان اور دو بچوں کو ہسپتال منتقل کیا ہے۔ دونوں بچوںکی ٹانگوں میں گولیاں ماری گئی ہیں۔
