تل ابیب کے علاقے ہولون میں اسرائیلی فوج نے اتوار کے روز فلسطینی نوجوان کو فائرنگ کر کے شہید کر دیا ہے۔ بتایا گیا ہے کہ نوجوان نے چاقو سے حملہ کیا تھا جس کے نتیجے میں ایک اسرائیلی ہلاک اور تین زخمی ہوئے تھے۔
میڈیا کے مطابق اسرائیلی پولیس نے چار افراد کے زخمی ہونے کی تصدیق کی تھی۔ تاہم طبی ذرائع کا کہنا ہے کہ ایک خاتون بھی زخمی ہوئی تھی جو زخموں کی تاب نہ لاتے ہوئے چل بسی ہے۔ جبکہ زخمی ہونے والے مردوں میں سے دو کی حالت نازک ہے۔
اسرائیلی پولیس فلسطینی نوجوان کے باقی ساتھیوں کی تلاش کے لیے ہولون میں کارروائیاں کر رہی ہے۔ پولیس کا کہنا ہے کہ حملہ کرنے والے کا تعلق مغربی کنارے سے ہو سکتا ہے۔
