فلسطینی وزارت صحت نےاعلان کیا کہ اسرائیلی قابض فوج نے غزہ کی پٹی میں خاندانوں کے خلاف مزید 3 قتلعام کیے جن کےنتیجے میں مزید 66 فلسطینی شہید اور 241 زخمی ہوگئے۔
شہید اور زخمی ہونےوالوں میں زیادہ تر فلسطینی بچے اور خواتین شامل ہیں۔
وزارت صحت نے تصدیق کیکہ گذشتہ اکتوبر کی سات تاریخ سے اب تک جارحیت اسرائیلی میں 39324 شہید اور90830 زخمی ہوئے ہیں۔
بیان میں کہا گیا ہےکہ ملبےکے نیچے اور سڑکوں پر اب بھی متعدد زخمی ہیں اور ایمبولینس اور شہری دفاع کا عملہان تک نہیں پہنچ سکتا۔
خیال رہے کہ گذشتہ7 اکتوبر سے "اسرائیلی” قابض افواج غزہ کی پٹی پر تباہ کن جنگ کیے ہوئے ہے جس کے نتیجے میں دسیوں ہزار معصومشہری شہید، زخمی اور لاپتہ ہونے کے علاوہ 20 لاکھ افراد بے گھرہوچکے ہیں۔ بنیادی ڈھانچےکا 70 فیصد سے زیادہ تباہ ہوچکا ہے اور غزہ کی سخت ناکہ بندی اور مسلسل جنگ کےنتیجے میں گنجان آباد علاقہ قحط کی لپیٹ میں ہے۔
ادویات، پانی اورخوراک کی قلت کے باعث آئے روز بچوں اور دیگرشہریوں کی اموات کی خبریں آ رہی ہیں۔دوسری جانب غاصب صہیونی دشمن ریاست نے جنگ بندی کی تمام کوششیں ناکام بنا دی ہیںاور وہ غزہ میں فلسطینیوں کی منظم اور مسلسل نسل کشی پر پوری ڈھٹائی کے ساتھ قائمہے۔
