گوٹیرس کا غزہ میں جنگ بندی کے مطالبے کا ایک بار پھر سے اعادہ

اقوام متحدہ کے سکریٹری جنرل انتونیو گوٹیرس نے غزہ کی پٹی پر اسرائیلی جنگ کو فوری طور پر روکنے اور محصور اور جنگ زدہ علاقے میں انسانی امداد کے بہاؤ کو بحال کرنے کا مطالبہ کیا ہے۔

گوٹیریس نے اتوار کو کویت میں منعقدہ ایک بین الاقوامی ڈونرز کانفرنس سے ایک ویڈیو خطاب میں کہا، "میں اپنے مطالبے کو دہراتا ہوں کہ عالمی برادری کی جانب سے فوری طور پر انسانی بنیادوں پر جنگ بندی، تمام یرغمالیوں کی غیر مشروط رہائی اور انسانی امداد میں فوری اضافہ کیا جائے”۔

اقوام متحدہ کے سربراہ نے مزید کہا "لیکن جنگ بندی صرف شروعات ہوگی۔ اس جنگ کی تباہی اور صدمے سے واپسی کا سفر طویل ہو گا۔”

انہوں نے کہا کہ "غزہ میں جنگ خوفناک انسانی مصائب، تباہ کن زندگیوں، خاندانوں کو ٹکڑے ٹکڑے کرنے اور بڑی تعداد میں لوگوں کو بے گھر، بھوک اور صدمے کا شکار بنا رہی ہے۔”