آج منگل کے روز اسرائیلی قابض فوج نے بیت المقدس کے مشرق میں شہریوں کے ساتھ جھڑپوں کے دوران مغربی کنارے کے الگ الگ علاقوں میں گرفتاریوں اور چھاپوں کی ایک نئی مہم شروع کی۔
قابض فوج نے ربیع عزت جابر نامی نوجوان کو طولکرم کے مشرق میں مضافاتی علاقے اکتبہ سے اس کے گھر پر چھاپہ مارنے اور تلاشی لینے اورتوڑپھوڑ کے بعد گرفتار کیا۔
قابض فوج نے ناجی محمود عطا نامی نوجوان کو قلقیلیہ میں اس کے گھر پر دھاوا بولنے کے بعد گرفتار بھی کیا اور شہر میں کئی محلوں پر قابض فوجیوں نے چھاپے مارے۔
آدھی رات کو قابض فوج نے بیت لحم کے جنوب مشرق میں واقع قصبے طقوع پر دھاوا بول دیا۔ ایک گھر پر چھاپہ مارا اور ایک گاڑی پر فائرنگ کی۔
قابض فوج کے ایک دستے نے طقوع قصبے پر دھاوا بول دیا، گولیاں برسائیں، آنسو گیس اور اسٹن گرنیڈ برسائے تاہم کوئی جانی نقصان نہیں ہوا۔
قابض فوج نے محمود العامور کے گھر پر چھاپہ مارا اور تلاشی لی اور عرفات العمور کی گاڑی پر گولیاں برسائیں جس سے اس کی کھڑکیوں کے شیشے ٹوٹ گئے۔
