یروشلم میں اسلامیسپریم کونسل کے سربراہ الشیخ عکرمہ صبری نے کہا ہے کہ اسرائیلی دشمن ایسٹر تہوارکی آڑ میں مسجد اقصیٰ کے خلاف کوئی بڑی ازش کرسکتا ہے۔ ان کا کہنا تھا کہ دشمن فلسطینی نمازیوں کی استقامت اور ثابت قدمی سے خوف زدہ ہے۔
الشیخ ڈاکٹرعکرمہ صبری نے ایک رپیس بیان میں وضاحت کی کہ قابض ریاست یہودیوں کے ایسٹر تہوارکے ایام میں مسجد اقصیٰ کے خلاف کوئی بڑی سازش کی تیاری کررہا ہے، بدھ کے روزیہودیوں سے مسجد اقصیٰ پر دھاوے کی اپیل کی گئی ہے اور اس کے ساتھ یہودیوں کوقربانی کے جانور بھی وہاں لانے کو کہا گیا ہے۔
الشیخ صبری نےکہا کہ یہودی انتہا پسند تنظیمیں ایسٹر جیسے موقعے کو اپنے مذموم عزائم کو آگے بڑھانےکے لیے استعمال کرتی ہیں۔اس بار بھی انہوں نے ایسٹر کےدوران یہودی آباد کاروں سےقبلہ اول پر دھاووں کی اپیل کی ہے۔
انہوں نے کہا کہاسرائیل القدس پر ایسے اپنا تسلط جمانے کی کوشش کررہا ہے جیسے یہ صہیونی ریاست کادارالحکومت ہے۔
فلسطینی عالم دیننے فلسطینی نمازیوں کی طرف سے مسجد اقصیٰ میں حاضری پر خوشی کا اظہار کرتے ہوئےکہا کہ فلسطینی قوم نے قبلہ اول کےساتھ اپنا تعلق مزید مضبوط کرکے دشمن کو بتا دیاہے کہ ہم اپنے مقدسات کا دفاع جاری رکھیں گے۔
انہوں نے کہا کہقابض ریاست کا مقصد مسجد اقصیٰ کی وقتی اور مقامی تقسیم ہے۔ انہوں نے اس بات پرزور دیا کہ "قابض ریاست مسجد اقصیٰ کے حوالے سے اپنے مذموم عزائم کو پورانہیں کرسکے گا اور دشمن کے تمام عزائم ناکام ہوں گے۔
انہوں نے نشاندہیکی کہ آباد کار قابض افواج کے تحفظ کے بغیر الاقصیٰ پر حملہ کرنے کی جرأت نہیںکرتے اور اس سے ظاہر ہوتا ہے کہ قابض حکومت قبلہ اول پر دھاووں کی ذمہ دار ہے۔
