غزہ کی پٹی میں النصیرات پناہ گزین کیمپ پر گذشتہ سال اگست میں ہونے والے اسرائیلی فضائی حملے میں زخمی ہونے والا 13 سالہ فلسطینی بچہ زخموں کی تاب نہ لاتے ہوئے دم توڑ گیا۔
طبی ذرائع نے تصدیق کی ہےکہ ہسپتال میں زیر علاج 13 سالہ نایف عویدات جمعرات کی رات شدید زخموں کے باعث جانبر نہ ہوسکا۔
اسرائیل جنگی طیاروں نے 5 اگست 2022 کو غزہ کے وسطی علاقے النصیرات پناہ گزین کیمپ میں مزاحمتی مقامات کو نشانہ بنانے کے علاوہ ایک رہائشی ٹاور میں کار اور ایک اپارٹمنٹ پر شدید بمباری کی تھی۔
تین روزہ جارحیت کے دوران 17 بچوں اور 4 خواتین سمیت 51 افراد ہلاک ہو ئے تھے جبکہ زخمیوں کی تعداد 360 تھی۔
