مسافر یطا کونسل کے سربراہ نضال یونس کے مطابق اسرائیلی عدالت نے اسکول کو مسمار کرنے کے خلاف جاری کیا گیا سابقہ حکم امتناعی منسوخ کرتے ہوئے اسرائیلی قابض فوج کو اسے منہدم کرنے کے لیے 10 دن کی مہلت دی ہے۔
یونس نے کہا کہ یہ سکول 2022 میں ایکشن اگینسٹ ہنگر فاؤنڈیشن کے ذریعے یورپی یونین کے مالی تعاون سے تعمیر کیا گیا تھا۔ انہوں نے بتایا کہ مقامی بدو برادریوں کے تقریباً 50 بچے اس اسکول میں تعلیم حاصل کرتے ہیں۔
ایک اور واقعے میں، اسرائیلی قابض فوج نے بدھ کے روز قلقیلیہ کے کفر لاقف گاؤں میں ایک کنواں مسمار کر دیا۔
مقامی اہلکار مؤید عساف نے بتایا کہ اسرائیلی فوج نے گاؤں کے علاقے الغرابہ پر دھاوا بول دیا اور بغیر پیشگی انتباہ کے زیر تعمیر پانی کے کنویں کو کنکریٹ سے بھر دیا۔
عساف نے بتایا کہ یہ کنواں دیہی کونسل کا تھا اور تقریباً 1200 مقامی کسانوں کو پانی فراہم کرتا تھا،۔ اس اسرائیلی اقدام کے نتیجے میں کسان مالی نقصان سے دوچار ہوں گے۔
دریں اثنا، اسرائیلی قابض فوج نے طوباس کے علاقے راس الاحمر میں مقامی باشندوں کو ایک فوجی فیصلے کے بارے میں مطلع کیا جس میں غیر مجاز تعمیرات پر پابندی کے بہانے رہائشی عمارتوں اور مویشیوں کی پناہ گاہوں کی تعمیر روکنے کا حکم دیا گیا تھا۔
