حماس کے سیاسی بیورو کے رکن خلیل الحیہ نے کہا ہے کہ اسرائیل کے قبضے اور نسل پرستانہ پالیسیوں نے فلسطینیوں کو مجبور کر دیا ہے کہ وہ مزاحمت کے علاوہ کوئی راستہ اختیار نہ کر سکیں۔
الاقصی ٹی وی چینل سے بات کرتے ہوئے خلیل الحیہ نے کہا فلسطینیوں کی طاقت اور فطری مزاحمت درحقیقت اسرائیلی قبضے کو ہی ظاہر کرتا ہے۔ جس کے خلاف وہ جدوجہد کر رہے ہیں۔ یقیناً ہماری فلسطینی عوام اسرائیلی انتہا پسندی کا مقابلہ کرے گی۔
اسرائیل کے مقابلے میں ہم فلسطینیوں کے لیے مقبوضہ یروشلم اتحاد کی علامت ہے۔ انھوں نے فلسطینی عوام کی تحسین کرتے ہوئے کہا کہ وہ استقامت کے ساتھ کھڑے ہیں۔
خلیل الحیا نے خبردار کرتے ہوئے کہا حماس کبھی بھی الاقصیٰ مسجد کو تقسیم کرنے کی اجازت نہیں دے گی۔ مسجد اقصیٰ پر اگر حملہ ہوا تو ہم اسے فلسطینیوں کے خلاف اعلان جنگ سمجھتے ہوئے مقابلہ کریں گے۔
