حماس کے مسلح ونگ القسام بریگیڈ کے ترجمان نے ایک انٹرویو کے دوران خبر دار کیا ہے کہ اسرائیلی جیلوں قید فلسطینیوں کو بدلے میں رہا کرنے میں ہچکچاہٹ دکھانے پر کل افسوس کرنا پڑے گا۔ ترجمان کا یہ انٹرویو مرکز اطلاعات فلسطینی نے شائع کیا ہے۔
القسام بریگیڈ کے ترجمان ابو عبیدہ نے کہا ‘ بریگیڈ پہلے ہی فیصلہ کر چکی ہے کہ اسرائیلی فوجی قیدیوں کی تعداد میں اضافہ کیا جائے گا،اس سلسلے میں کوششیں شروع ہو چکی ہیں۔’
ابو عبیدہ نے ایک سوال کے جواب میں کہا ‘ ہمیں یقین ہے کہ ہمارا دشمن اپنی موجودہ پالیسی پر آنے والے دنوں میں پچھتائے گا۔ اور قیدیوں کے تبادلے پر مجبور ہوگا۔’
ترجمان نے القسام بریگیڈ ز فلسطینی کی فوجی شعبے میں ترقی و تیاری کے بارے میں ایک سوال پر کہا ‘ القسام بریگیڈزفلسطین کی لبریشن آرمی کے حوالے سے ایک بنیاد اور بیج کی حیثیت رکھتا ہے۔ یہ قابض فوجی قوت کے مقابلے ایک مشکل نمبر ہے۔’ ہمارے لوگ ٹھوس بنیا پر کھڑے ہیں جبکہ عوامی ڈھال بھی ان کو میسر ہے ۔
ہمارے بریگیڈز دشمن اور قابض ریاست کے لیے ایک تلوار کی طرح ہیں، جبکہ ہمارے لوگوں آزادی اور حق واپسی کے لیے ایک نیزے کی حیثییت رکھتے ہیں۔’ ترجمان نے القسام بریگیڈ کی لڑاکا قوت کے بارے میں ایک سوال پر کہا۔
ایک اور سوال پر بریگیڈ کے ترجمان نے کہا ‘ ہم آزادی کےلیے لڑ رہے ہیں۔ تاہم یہ ایک طویل جنگ ہے۔ یہ جنگ کئی محازوں پر جاری ہے۔ اس جنگ میں ہمارے لوگوں نے ہمیشہ استقامت اور ثابت قدمی دکھائی ہے۔’
