قابض اسرائیلیفوج کی جانب سے کل بدھ کے روز مقبوضہ مغربی کنارے اور بیت المقدس میں گھر گھرتلاشی کی کارروائیوں کے دوران اسلامی تحریک مزاحمت [حماس]کے رہ نماؤں اور کارکنوںسمیت 25 افراد کوگرفتار کرلیا ہے۔
مقامی ذرائع نےبتایا کہ قابض فوج نے گھر گھر تلاشی کی مذموم مہم کے دوران کم سے کم 25 فلسطینی شہریوںکو گرفتار کیا ہے۔ ان میں زیادہ تر حماس سے منسلک افراد شامل ہیں۔ یہ گرفتاریاںایک ایسے وقت میں کی گئی ہیں جب حماس کا 35 واں یوم تاسیسمنایا جا رہا ہے۔
اسرائیلی فوج کےکریک ڈاؤن کے ساتھ ساتھ عباس ملیشیا نے بھی حماس کے خلاف چھاپہ مار کارروائیاںشروع کر رکھی ہیں۔
قابض فوج نےالخلیل شہر میں تلاشی کے دوران حماس کے متعدد رہ نما اور سابق اسیران سمیت 8 فلسطینی شہریوں کو گرفتار کیا۔ گرفتار کیے جانے والوں میں الشيخرزق الرجوب، جادالله الرجوب، يوسف أبو راس، محمد اقطيل، آدم أبو شرار، محمد أبوسندس اور ثائر أبو سندس شامل ہیں۔ ان تمام شہریوں کا تعلق دورا کے علاقے سے ہے جبکہ وأنس محمد جبارين سعیر قصبے میں قائمایک فوجی چوکی سے گرفتار کیا گیا۔
نابلس میں قابضفوج نے درویش ابو حلیمہ کو بلاطہ پناہ گزین کیمپ سے گرفتار کیا۔ بیتا سے لوئیحمائل کی گرفتاری عمل میں لائی گئی جب کہ زواتا سے عبداللہ عبد اور احمد صالح کیگرفتاری عمل میں لائی گئی۔
غرب اردن کےشمالی شہر جنین میں تلاشی کے دوران اسرائیلی فوج نے امجد ملحم کو کفر راعی سے گرفتارکیا۔ احمد نافع قبھا اور محمد خلیل قبھا کو جنوب مغربی جنین میں طورہ کے علاقے سےگرفتار کیا گیا، جب کہ عزالدین ثوابتہ کو جنوبی بیت لحم کے علاقے بیت فجار سےگرفتار کیا گیا۔
ادھر بیت المقدسمیں اسرائیلی فوج نے بدو قصبے سے اسامہ ابو عید، زاھر الخضور اور عدی صدام بدوانکو گرفتار کیا۔
طولکرم سےاسرائیلی فوج نے عثما الغول کو نورشمس کیمپ میں تلاشی کے دوران گرفتار کیا جب کہسابق اسیر محمد خلف کوطولکرم شہر سے حراست میں لیا گیا۔
غرب اردن کے وسطیشہر رام اللہ میں تلاشی کے دوران اسرائیلی فوج نے ایک طبی امدادی کارکن احمدالعجوری کو جب کہ محمود تیتان کو قلقیلیہ سے گرفتار کیا گیا۔ سابق اسیر محمدالمیمی کو اریحا سے حراست میں لیا گیا۔
