مسجد ابراہیمی میں آئندہ جمعہ جمِ غفیر حاضر ہو، سمیرہ حلایقہ

فلسطینی قانون ساز سمیرہ حلایقہ نے فلسطینی عوام پر زور دیا ہے کہ وہ آئندہ جمعہ 25 نومبر کو فجر کی نماز میں شرکت کے لیے بڑے پیمانے پر الخلیل شہر کی مساجد میں حاضر ہوں۔

ایک بیان میں،  حلایقہ نے خاص طور پر مسجد ابراہیمی میں فجر کی نماز ادا کرنے کی ترغیب دی ہے۔

ممبر پارلیمان کا کہنا تھا:”الخلیل کے دل میں فلسطینیوں کے خلاف اشتعال انگیز مہمات اور آباد کاروں کے بار بار حملوں کے بعد، ہر غیرت مند شخص کے لیے یہ ضروری ہو گیا ہے کہ وہ جبر اور نسلی امتیاز کی پالیسی کو مسترد کرنے کے لیے اپنی آواز بلند کرے ۔”

انہوں نے فلسطینی عوام کو مخاطب کرتے ہوئے کہا: "آپ کو اپنی مساجد اور املاک کی حفاظت کرنی چاہیے اور حضرت ابراہیم علیہ السلام کے مزار پر اپنا حق ثابت کرنا چاہیے۔”