اسرائیلی قابض فوج نے آج صبح بیت المقدس کے مشرق میں واقع المنیا قصبے پر دھاوا بولا اور تین رہائشی گھر اور ایک پانی کا کنواں منہدم کردیا۔
مقامی ذرائع کے مطابق اسرائیلی فورسز نے قصبے پر بڑی تعداد میں دھاوا بول دیا اور علاقے کو گھیرے میں لے لیا، مقامی رہائشیوں اور صحافیوں کی آمد و رفت بھی روک دی گئی۔
منہدم ہونے والی عمارتوں میں عبد ربہ کوازبہ اور ان کے بیٹوں کے 6 فلیٹس کے ساتھ ساتھ ایک قریبی پانی کا کنواں بھی شامل ہے۔
خاندانی ذرائع نے تصدیق کی کہ یہ عمارتیں ان کی اپنی ملکیتی زمین پر قائم کی گئی تھیں۔
ذرائع نے مزید کہا کہ انہدام کا عمل پیشگی اطلاع کے بغیر عمل میں لایا گیا۔
ستم بالائے ستم، قابض فوجیوں نے متاثرہ خاندان کو 52000 شیکل (15000 ڈالر) مکانات مسماری کی فیس کے طور پر ادا کرنے کا بھی حکم دیا۔
