حماس کے اعلیٰ سطح کے وفد نے لبنانی پارلیمنٹ کے سپیکر نبیہ البری سے ملاقات کی ہے۔ حماس کے وفد کی قیادت خارجہ سطح پرسیاسی بیورو کے سربراہ موسیٰ ابو مرزوق کر رہے تھے۔
یہ ملاقات عین التینہ کے ہیڈ کوارٹرز میں ہوئی ہے۔ حماس کے سینئیر رہنما اسامہ حمدان اور احمد عبدالہادی بھی ملاقات میں موجود تھے۔
ملاقات کے بعد حماس کی ویب سائٹ سے جاری کیے گئے ایک بیان میں کہا گیا ہے ‘ ابو موسیٰ المرزوق نے سپیکر کو فلسطین کی تازہ صورت حال سے آگاہ کیا ۔ مغربی کنارے میں اسرائیلی قابض اتھارٹی اور قابض فوج کی فلسطینیوں کے خلاف کارروائیوں کے بارے میں بھی تفصیل کے ساتھ آگاہ کیا۔
حماس رہنماوں نے مقبوضہ یروشلم میں بھی اسرائیلی قابض فوج کی جاری ظالمانہ کارروائیوں بین الاقوامی قوانی کی خلاف ورزیوں کے متعلق بریف کیا۔
اس موقع پر لبنان میں فلسطینی پناہ گزینوں کے حالات پر بات ہوئی اور سپیکر سے مطالبہ کیا گیا کہ فلسطینیوں کو ضروری شہری حقوق دیے جانے پر زور دیا۔
دوسری جانب لبنانی پارلیمنٹ کے سپیکر نبیہ البری نے فلسطینیوں کے حقوق اور ان کے قومی کاز کے لیے اپنی غیر متزلزل حمایت کا اعادہ کیا۔ انہوں نے تمام فلسطینی جماعتوں کے درمیان ہم آہنگی اور اتحاد کی فضا پر بھی زور دیا۔
