سعودی عرب نے آسٹریلوی حکومت کے اس اعلان کا خیر مقدم کیا ہے جس میں اس نے کہا ہے کہ آسٹریلیا مغربی یروشلم کواسرائیل کا دارالحکومت تسلیم نہیں کرے گا۔
سعودی وزارت خارجہ نے بدھ کو ایک بیان میں امید ظاہر کی ہے کہ عالمی برادری بین الاقوامی قانون اور عرب امن اقدام کے مطابق مشرقی یروشلم دارالحکومت کے ساتھ فلسطینی عوام کی امنگوں کے مطابق آزاد فلسطینی ریاست کے قیام کی حمایت کرے گی اور وہ فلسطینی نصب العین کے مطابق دیرینہ تنازع کا منصفانہ حل تلاش کرنے کی کوششوں میں شامل ہو گی۔
وزارت خارجہ نے فلسطینی عوام کے لیے مملکت کی جانب سے غیرمتزلزل حمایت کا بھی اعادہ کیا ہے۔
