آج صبح سینکڑوں یہودی آباد کار مسجد اقصیٰ میں داخل ہو گئے۔
آباد کار مختلف گروہوں کی شکل میں مسجد میں مغرب کے دروازے سے داخل ہوئے اور پولیس کے سخت پہرے میں اس کے صحنوں کا دورہ کیا۔
اس موقع پر، اسرائیلی قابض پولیس نے مسجدِ اقصیٰ کے داخلی راستوں اور دروازوں پر مسلمان نمازیوں کی نقل و حرکت پر پابندیاں مزید سخت کر دیں۔
جمعہ اور ہفتہ کے علاوہ صبح اور دوپہر میں بھی یہودی آباد کاروں اور پولیس فورسز کی طرف سے مسجدِ اقصیٰ کی روزانہ بے حرمتی کی جاتی ہے۔
حال ہی میں، انتہا پسند یہودی گروہوں نے اپنے پیروکاروں کو مذہبی تعطیلات کے موقع پر مسجدِ اقصیٰ پر اجتماعی دھاوا بولنے اور اس کے صحنوں میں مختلف تلمودی رسومات ادا کرنے کی ترغیب دی ہے۔ اس حملے کا مقابلہ کرنے کے لیے مزاحمتی تحاریک کی قیادت و کارکنان نے اپنے مسلمان بھائی، بہنوں اور بچوں پر زور دیا ہے کہ وہ مسجد کی حفاظت کے لیے اپنی موجودگی کو تادیر یقینی بنائیں۔
