اسرائیلی حکومت اگلے ہفتے مقبوضہ بیت المقدس میں سینکڑوں آباد کاروں کے گھروں کی تعمیر کے نئے منصوبے کی منظوری دینے کا ارادہ رکھتی ہے۔
اس منصوبے میں بیت المقدس کے جنوب مشرق میں بیت الصفا کے فلسطینی قصبے کے قریب جفعات کی غیر قانونی بستی میں 700 رہائشی مکانات کی تعمیر شامل ہے۔
اسرائیل کے چینل 13 کے مطابق، اسرائیل میں امریکی سفیر تھامس رچرڈ نائیڈز ان مکانات کی تعمیر کی مخالفت کی ہے جس سے یہ تاثر ملتا ہے کہ امریکہ اس منصوبے کا مخالف ہے۔ اسرائیلی وزیر داخلہ ایلیت شاکید کا اصرار ہے کہ انہیں اگلے ہفتے منظوری کے لیے پیش کیا جائے گا۔
