یہودی آباد کاروں کے ایک جتھے نے جمعہ کے روز صبح سویرے مقامی فلسطینیوں پر حملہ کر دیا۔ یہ واقعہ قلقلیہ کے مشرق میں عذبۃ الطبیب نامی گاوں میں پیش آیا۔
مقامی زرائع نے اس واقعے کی تصدیق کرتے ہوئے بتایا ہے کہ یہودی آباد کاروں کے جتھے نے مقامی لوگوں کے گھروں پر پتھراو کیا ۔ تاہم جب مقامی فلسطینیوں نے جواب دینے کی کوشش کی تو یہودی آباد کار موقع سے فرار ہوتے نطر آئے۔
واضح رہے عذبۃ الطبیب نام کے اس گاوں یہودی آباد کار اسرائیلی پولیس کے کور میں مسلسل اس طرح کے واقعات میں ملوث پائے گئے ہیں۔ تاکہ ان کی جارحانہ کارروائیوں سے تنگ آکر فلسطینی اپنے گھر بار چھوڑ کر چلے جائیں۔
ایک روز قبل جمعرات کے دن تنگ آئے مقامی شہریوں یہودی آباد کاروں کی بڑھتی ہوئی کارروائیوں کے خلاف ایک بھر پور احتجاج منظم کیا تھا۔ تاکہ یہ باور کرایا جا سکے کہ مقامی لوگ یہودی آباد کاروں کے حملوں سے اب تنگ آ چکے ہیں۔
