اسرائیلی قابض فوج نے مغربی کنارے کے البیرہ اور رام اللہ سے سات فلسطینیوں کو گرفتار کر لیا۔ حراست میں لیے گئے افراد میں چار معصوم بچے بھی شامل ہیں۔
مقامی ذرائع نے چار بچوں کی شناخت حمزہ، مصطفیٰ، نصر نوفل اور احمد سمحان کے نام سے کی، جن کی عمریں 13 سال کے لگ بھگ ہیں۔
قابض فوج کے دستوں نے رام اللہ کے مغرب میں المدیہ گاؤں سے دو نوجوانوں کو ان کے گھروں میں گھس کر گرفتار کیا۔
مغربی رام اللہ کے گاؤں بیت لقیا میں پرتشدد کارروائی کے دوران ایک اور نوجوان کو حراست میں لیا گیا۔
اسرائیل کی جیلوں میں اس وقت تقریباً 4700 فلسطینی قید ہیں جن میں 170 معصوم بچے بھی شامل ہیں۔
