قابض اسرائیلی فوج نے کل سوموار کو فلسطین میں عیدالفطر کے موقعے پرعلی الصبح مختلف علاقوں میں تلاشی کی کارروائیوں میں 10 فلسطینیوں کو حراست میں لے لیا۔
رام اللہ میں تلاشی کے دوران اسرائیلی فوج نے 45 سالہ سائر طہ عطا، احمد محمود علی عامر، 33 سلہ باسل منیر ابو علیا، اور نعلین سے ندیم طالب خلیل نافع کو گرفتار کیا۔
غرب اردن کے جنوبی شہر الخلیل میں تلاشی کے دوران 47 سالہ سابق اسیر مرشد محمد زعاقیق کو گرفتار کیا۔
قلقیلیہ سے اسرائیلی فوج نے برا ساید مرداوی کو گرفتارکرکے نامعلوم مقام پر منتقل کردیا۔
بیت المقدس میں عید الفطر کی صبح کو اسرائیلی فوج نے مسجد اقصیٰ کے باب حطہ سے انس علیان اور باب العمود سے خالد ابو خالد کو گرفتار کیا۔
شمال مشرقی بیت المقدس میں حزما کے مقام سے اسرائیلی فوج نے سابق اسیر عوض زیاد کنعان اور عبداللہ عقل الخطیب کو گرفتار کیا۔
