اسرائیلی ریاست کی فوجی عدالت عوفر نے منگل کے روز مقبوضہ بیت المقدس سےاسرائیلی حکومت کی جانب سے بے دخل کیے گئےرکن پارلیمنٹ احمد عطون کو4 ماہ کی قابل توسیع انتظامی قید کے تحت جیل میں ڈال دیا ہے۔
اسرائیلی فوج نے احمد عطون کو جنوبی غرب اردن کے شہر بیت لحم سے رمضان المبارک سےایک روز قبل یکم اپریل کو ان کے گھر پرچھاپہ مار کر حراست میں لےلیا تھا۔
ان کی گرفتاری سے صرف آٹھ ماہ قبل ہی انہیں مسلسل 12 ماہ کی انتظامی قید کے بعد رہا کیا گیا تھا۔
احمد عطون سمیت اسرئیلی جیلوں میں 7 فلسطینی ارکان پارلیمنٹ محمد ابو طیر، حسن یوسف، خالد طافش، ناصر جواد، یاسر منصور،احمد سعدات اور مروان برغوثی قید ہیں۔
احمد عطون کی یہ پہلی گرفتاری یا انتظامی سزا نہیں بلکہ وہ 16 سال اسرائیلی زندانوں میں قید کاٹ چکے ہیں۔
