فلسطینی وزارت صحت کی طرف سے جاری ایک رپورٹ میں بتایا گیا ہے کہ گذشتہ چوبیس گھںٹوں کے دوران فلسطینی علاقوں میں کرونا کے 18 مریض چل بسے، جب کہ 3538 نئے مریض سامنے آئے ہیں۔ اس دوران فلسطینی علاقوں میں کرونا کے 5162 مریض صحت یاب ہوئے جب کہ چوبیس گھںٹوں کے دوران 8073 افراد کے کرونا ٹیسٹ لیے گئے تھے۔
وزارت صحت کی یومیہ بریفنگ کے دوران جاری کردہ بیان میں کہا گیا ہے کہ فلسطینی علاقوں میں کرونا کے صحت یاب ہونے والے مریضوں کا تناسب 90 اعشاریہ 2 فی صد ہے۔ فعال کیسز کا تناسب 8 اعشاریہ 9 فی صد جب کہ اموات صفر اعشاریہ نو فی صد ہے۔
گذشتہ چوبیس گھنٹوں کے دوران غزہ کی پٹی میں کرونا کے 11 مریض دم توڑ گئے، غرب اردن میں سات اور القدس میں ایک مریض چل بسا۔
