فلسطین کی وزارت صحت نے بتایا ہے کہ گذشتہ چوبیس گھنٹوں کے دوران کرونا سے مزید 17 شہری وفات پا گئے جب کہ 4040 نئے کیسزسامنے آئے ہیں۔ اس دوران 6934 مریض صحت یاب ہوگئے۔
وزارت صحت کی طرف سے جاری بیان میں کہا گیا ہے کہ گذشتہ چوبیس گھںٹوں کے دوران غزہ میں کرونا سے چھ مریض دم توڑ گئے۔ نابلس میں تین، طولکرم میں تین، جنین میں دو، سلفیت میں ایک، بیت لحم میں ایک اور الخلیل میں ایک شہری کرونا سے جاں بحق ہوگیا۔
وزارت صحت کی رپورٹ کے مطابق گذشتہ چوبیس گھںٹوں کے دوران فلسطینی علاقوں میں کرونا کے 4040 مریض سامنے آئے۔ طولکرم میں 142، القدس کے اطراف میں 65، طوباس میں 49، قلیقلیہ میں 30، سلفیت میں 44، بیت لحم میں 86، نابلس میں 182، جنین میں 119، رام اللہ البیرہ میں 205، الخلیل میں 205، اریحا اور وادی اردن میں 23، غزہ میں 1710، بیت المقدس شہر میں 1180 نئے کیسزسامنے آئے ہیں۔
