اسرائیلی فوج نے فلسطین کے مقبوضہ مغربی کنارے کے جنوبی شہر الخلیل میں ترقومیا کے مقام پر سڑک کی تعمیر اور دوسرے مقامات پر فلسطینی شہریوں کی قیمتی اراضی کی کھدائی جاری رکھی ہوئی ہے۔
ترقومیا میں دفاع اراضی کمیٹی کے رکن طارق ذباینہ نے ایک پریس بیان میں کہا کہ اسرائیلی فوج اور تعمیراتی انتظامیہ دو ہفتوں سے سڑک کی کھدائی کا سلسلہ جاری رکھے ہوئے ہیں۔ ان کا کہنا تھا کہ یہ سڑک ’تیلم‘ نامی یہودی کالونی کے بالمقابل تعمیر کی جا رہی ہے جو ترقومیا کی اراضی پر بنائے جائے گی۔ یہ سڑک بائی پاس شاہرای 60 کے بالمقابل ہے۔
ذباینہ نے جو خود بھی اس اراضی کے مالک ہیں نے بتایا کہ اب تک صہیونی فوج ذباینہ خاندان، اغریب اور جعافرہ خاندان کی 2500 دونم اراضی کی کھدائی کردی ہے۔
ذباینہ نے کہا کہ قابض اسرائیلی فوج نے حالیہ عرصے کے دوران فلسطینیوں کی قیمتی اراضی، پھل دار باغات اور دیگر املاک کو تباہ کرنے کا سلسلہ تیز کر دیا ہے۔
