فلسطینی وزارت انصاف کی طرف سے جاری رپورٹ میں کہا گیا ہے کہ گذشتہ چوبیس گھنٹوں کے دوران کرونا سے بارہ فلسطینی دم توڑ گئے جب کہ 10374 نئے کیسز کی تصدیق کی گئی۔ گذشتہ چوبیس گھںٹوں کے دوران فلسطینی علاقوں میں کرونا کے 2172 مریض صحت یاب ہوئے۔
وزارت صحت کی طرف سے روز مرہ بریفنگ میں بتایا گیا ہے کہ غزہ کی پٹی میں کرونا کے پانچ مریض دم توڑ گئے جب کہ الخلیل میں تین، جنین میں دو اور طولکرم اور نابلس میں ایک ایک فلسطینی جاں بحق ہوا۔
بیان میں کہا گیا ہے کہ گذشتہ چوبیس گھںٹوں کے دوران القدس کے اطراف میں کرونا کے 571 نئے کیسز کا اندراج کیا گیا۔ الخلیل میں 638، طولکرم میں 178، بیت لحم میں 624، قلقیلیہ میں 155، رام اللہ سے 1140، سلفیت میں 84، جنین میں 380، نابلس میں 1043، طوباس میں 95، اریحا اور وادی اردن میں 157، غزہ میں 2469 اور القدس شہر میں 1840 نئے مریضوں کی تصدیق کی گئی۔
