فلسطینی کسانوں اور ماہی گیروں کے خلاف غزہ کی پٹی کی جنوبی اطراف اسرائیلی فوج کی ظالمانہ کارروائیاں روز مرہ کا معمول بنتی جا رہی ہیں۔
مقامی ذرائع نے بتایا ہے کہ اسرائیلی فوجیوں نے کسانوں اور ان کے ریوڑوں پر گولیاں برسائیں۔ یہ واقعہ القرارہ اور عبسان الکبیرہ کی مشرقی جانب پیش آیا۔
اسی طرح کا اندوہناک واقعہ رفح کے ساحلی علاقے میں بھی پیش آیا جہاں ماہی گیروں اور ان کی کشتیوں کو نشانہ بنایا گیا۔ یہ حملہ ماہی گیروں کو ان کے گھروں تک محدود کرنے اور روزی روٹی سے محروم کرنے کی ظالمانہ کوشش ہے۔
اسرائیلی فوج انسانیت سوز مظالم ڈھاتی چلی جا رہی ہے۔ روزانہ ظلم کی ایک نئی داستان رقم ہو رہی ہے۔ ظلم کی سیاہ رات ایک روز سحر ہو گی، ان شاء اللہ۔
