فلسطینی وزارت صحت نے کہا ہے کہ فلسطینی علاقوں میں گذشتہ چوبیس گھںٹوں کے دوران کرونا وبا میں تیزی دیکھی گئی۔
وزارت صحت کی رپورٹ میں کہا گیا ہے کہ گذشتہ چوبیس گھںٹوں کے دوران فلسطینی علاقوں میں کرونا کے مزید دو مریض دم توڑ گئے جب کہ 7750 نئے کیسز کی تصدیق کی گئی ہے۔ گذشتہ چوبیس گھںٹوں کے دوران 14 ہزار 346 افراد کے ٹیسٹ لیے گئے۔ اس دوران 1175 افراد صحت یاب ہوئے۔
وزارت صحت کے مطابق فلسطینی علاقوں میں کرونا کے متاثرین میں صحت یاب ہونے کا تناسب 94 فی صد، فعال کیسز 5 فی صد اور اموات ایک فی صد ہیں۔
جغرافیائی اعتبار سے گذشتہ چوبیس گھںٹوں کے دوران غرب اردن میں کرونا کے 3698 مریض سامنے آئے، غزہ میں 1250 اور بیت المقدس میں نئے مریضوں کی تعداد 2802 ہے۔
