اقوام متحدہ نے فلسطینی شہری ھشام ابو ھواش کی انتظامی قید کے خاتمے کے لیے اسرائیلی حکام کے ساتھ ڈیل کا خیرمقدم کیا ہے۔
مرکزاطلاعات فلسطین کے مطابق اقوام متحدہ کی طرف سے جاری ایک بیان میں کہا گیا ہے کہ عالمی ادارہ فلسطینی قیدی ابو ھواش اور اسرائیلی حکام کے درمیان اس ڈیل کا خیر مقدم کرتا ہے جس کے تحت ابو ھواش کو 26 فروری کو رہا کرنے پر اتفاق کیا گیا ہے۔
اقوام متحدہ کے ترجمان اسٹیفن ڈوگریک نے کہا کہ ہم ھشام ابو ھواش کی رہائی کے لیے اسرائیلی حکام کے درمیان طے پائی ڈیل کو مثبت پیش رفت سمجھتے ہیں۔
نیویارک میں اقوام متحدہ کے صدر دفتر میں ایک پریس کانفرنس سے خطاب میں انہوں نے کہا کہ ہم قانون کے تحت قیدیوں کے خلاف مقدمات چلانے یا ان کی رہائی سے متعلق قانون کی حمایت کرتے ہیں۔اسرائیل کے ہاں انتظامی قید سے متعلق بھی ہمارا یہی اصولی موقف ہے۔
خیال رہےکہ اسرائیلی جیل میں انتظامی قید کے خلاف 141 دن تک مسلسل بھوک ہڑتال کرنے والے فلسطینی قیدی ھشام ابو ھواش کو 26 فروری کو رہا کرنے پر اتفاق کیا ہے جس کے بعد اسیر ابو ھواش نے طویل بھوک ہڑتال ختم کردی ہے۔
