اسرائیلی خفیہ ایجنسیوں اور پولیس فورس نے مقبوضہ بیت المقدس میں بڑے پیمانے پر حراستوں اور تفتیش کے لئے طلبی کے نوٹسز تھمانے کا سلسلہ جاری رکھا ہے۔
مقامی ذرائع کے مطابق بیت المقدس میں تحریک فتح کے متعدد رہنمائوں کو ممبران کو گرفتار کر لیا گیا ہے جبکہ کچھ کو تفتیشی مراکز میں پیش ہونے کے نوٹسز دیے ہیں۔ یہ تمام اقدامات ایسے موقع پر اٹھائے گئے ہیں جبکہ تحریک فتح کے 57ویں یوم تاسیس کی تیاریاں جاری ہیں۔
اسرائیلی فوج اور پولیس مغربی کنارے اور مقبوضہ بیت المقدس میں فلسطینیوں کے خلاف چھاپا مار کارروائیاں وقتا فوقتا جاری رکھتی ہے۔ان کارروائیوں میں فلسطینیوں کو گرفتار، گھروں کی تلاشی، فلسطینی شہریوں کو خوفزدہ کرنے جیسے مختلف حربے استعمال کرتے ہیں۔
اس وقت اسرائیلی جیلوں میں 4650 فلسطینی قیدی مقید ہیں جن میں 34 خواتین، 160 بچے اور 500 انتظامی اسیران شامل ہیں۔
