اسلامی تحریک مزاحمت ’حماس‘ کے سیاسی شعبے کے سربراہ اسماعیل ھنیہ نے کہا ہے کہ اردن ایک برادر ملک اور القدس کی نبض ہے۔ اردنی اور فلسطینی قوموں کا مستقبل ایک ہے اور دونوں یک جان دو قالب ہیں۔ ان کا کہنا ہے کہ القدس اور اسلامی مقدسات کی سرپرستی کے حوالے سے اردن کا کوئی متبادل نہیں اور حماس کو اردن کی ہاشمی مملکت کی مذہبی سرپرستی پر کوئی اعتراض نہیں۔
اردن میں ’ہم استقامت کی شمعیں روشن کریں گے‘ کے عنوان سے اردن میں جاری فنڈ ریزنگ مہم کے منتظمین سے ٹیلیفون پر بات کرتے ہوئے بیت المقدس میں فلسطینیوں کے گھروں کی مرمت اور ان کی حمایت ہم سب کی اجتماعی ذمہ داری ہے۔
اسماعیل ھنیہ کا کہنا تھا کہ اس نوعیت کی مہمات اہمیت کی حامل ہیں اور ان کے کئی فواید ہیں۔ ان کا کہنا تھا کہ اس کا ایک فائدہ القدس کے فلسطینی باشندوں کی سیاسی حمایت اور منعوی مدد ہے۔ دوسرا فائدہ مالی مدد ہے۔
انہوں نے مزید کہا کہ اردن میں القدس کےفلسطینی باشندوں کی مدد کے لیے فنڈ ریزنگ مہم سے ظاہر ہوتا ہے کہ اردنی عوام بیدار ہیں اور فلسطینی قوم کے حوالے سے اپنی ذمہ داریوں سے آگاہ ہیں۔
اسماعیل ھنیہ کا کہنا تھا کہ حماس القدس میں فلسطینی مقدسات کی سرپرستی کے اردنی ہاشمی مملکت کے حامی ہیں اور اس بات پر قائم ہیں کہ القدس میں فلسطینی مقدسات کی سرپرستی کے حوالے سے اردن کا کوئی متبادل نہیں۔
