فلسطین کے علاقے غزہ کی پٹی میں فوجی عدالت نے گذشتہ دو ماہ کے دوران اسرائیلی دشمن کے لیے جاسوسی کے جرم میں چھ ملزمان کو جرم ثابت ہونے پر سزائے موت سنائی ہے۔
فلسطینی جوڈیشری کی طرف سے جاری ایک بیان میں کہا گیا ہے کہ ستمبر اور اکتوبر کے مہینوں میں جاسوسی کے الزام میں چھ مجرموں کو سزائے موت جب کہ متعدد کو قید با مشقت اور عمر قید کی سزائیں سنائی گئیں۔ ایک ملزم کو ثبوت ناکافی ہونے پر بری کردیا گیا۔
بیان میں کہا گیا ہے کہ فلسطینی کمیونٹی کے تحفظ اوراسرائیلی دُشمن کے لیے جاسوسی کی آفت کا مقابلہ کرنے کے لیے عدالتیں اپنی ذمہ داریاں ادا کرتی رہے گی۔
