بدھ کے روزعراق کی وزات ثقافت نے ایک سرکاری خاتون عہدیدار سحر کریم الطائی کو چند روز قبل اربیل میں اسرائیل کی حمایت میں کانفرنس کے انعقاد میں معاونت اور اس میں شرکت پر عہدے سے برطرف کردیا ہے۔
عراقی وزیر ثقافت حسن ناظم کے دفتر سے جاری بیان میں کہا گیا ہے کہ عہدے سے برطرفی کا فیصلہ اسرائیل کی حمایت میں منعقدہ کانفرنس میں شرکت پر اس کے خلاف انتضباطی کارروائی کے تحت عمل میں لایا گیا ہے۔ بیان میں کہا گیا ہے کہ کریم الطائی نے سرکاری عہدے کا غلط استعمال کرتے ہوئے ذمہ داری کے منافی اقدام کیا ہے۔
قبل ازیں عراق کی اعلیٰ جوڈیشل کونسل نے سحر کریم الطائی اور متنازع کانفرنس میں شرکت کرنے والوں کو گرفتار کرنے کے وارنٹ جاری کیے تھے۔
یہ کانفرنس چوبیس ستمبر کو عراق کے صوبہ کردستان کے دارالحکومت اربیل میں منعقد کی گئی تھی جس میں شرکار نے عراق کی وفاقی حکومت سے اسرائیل کو تسلیم کرنے کا مطالبہ کیا تھا۔
