قابض اسرائیلی فوج نے فلسطین کے علاقے غزہ کی پٹی کی سرحد سے تین فلسطینیوں کو حراست میں لینے کا دعویٰ کیا ہے۔ قابض فوج کا دعویٰ ہے کہ حراست میں لیے گئے فلسطینیوں نے سرحدی باڑ عبور کرنے کے بعد اسرائیلی علاقوں میں داخل ہونے کی کوشش کی تھی جس پرانہیں حراست میں لے لیا گیا۔
اسرائیلی فوج کے ترجمان نے بتایا کہ قابض فوج نے غزہ کی سرحد کے قریب سے تین فلسطینیوں کو حراست میں لیا۔ وہ یہودی کالونیوں کی طرف جا رہے تھے۔ انہیں تفتیش کے لیے نامعلوم مقام پر منتقل کر دیا گیا ہے۔
اسرائیلی فوج نے ان فلسطینیوں کی شناخت ظاہر نہیں کی اور نہ ہی فلسطینیوں کی گرفتاری سے متعلق مزید تفصیلات جاری کی گئی ہیں۔
