کل جمعہ کے روز 45 ہزار فلسطینی مسلمانوں نے مسجد اقصیٰ میں نماز جمعہ ادا کی۔ مرکزاطلاعات فلسطین کے مطابق اسرائیلی فوج اور پولیس کی طرف سے پرانے بیت المقدس میں تمام داخلی راستوں کو سیل کردیا تھا۔
اس کے باوجود فلسطینی نمازی اسرائیلی رکاوٹیں توڑ کرمسجد اقصیٰ میں پہنچنے میں کامیاب ہو گئے۔
ادھر فلسطینی محکمہ اوقاف کا کہنا ہے کہ مسجد اقصیٰ میں نماز جمعہ کے موقعے پر سدنہ، محافظوں اور رضاکاروں نے نمازیوں کو ہرممکن معاونت فراہم کی۔ نماز جمعہ کی ادائی کے دوران کرونا ایس اوپیزپرعمل درآمد کیا گیا اور نمازی گھروں سے مصلے اپنے ہمراہ لائے تھے۔
