وائٹ ہاؤس نے کل بدھ کو کہا ہے کہ صدر جو بائیڈن 26 اگست کو وائٹ ہاؤس میں اسرائیلی وزیراعظم نفتالی بینیٹ سے ملاقات کریں گے۔
وائٹ ہاؤس کی ترجمان جین ساکی نے کہا کہ صدر اور وزیر اعظم بینیٹ علاقائی اور عالمی سلامتی سے متعلق اہم امور پر تبادلہ خیال کریں گے۔ ملاقات میں ایران کا معاملہ بھی زیر بحث آئے گا۔
انہوں نے مزید کہا کہ یہ دورہ دونوں رہ نماؤں کے لیے اسرائیل اور فلسطینیوں کے امن ، سلامتی اور فلاح و بہبود کی کوششوں اور خطے کے زیادہ پر امن اور محفوظ مستقبل کے لیے کام کرنے کی اہمیت پر تبادلہ خیال کرنے کا ایک موقع ہوگا۔
