اسرائیل کے عبرانی زبان میں نشریات پیش کرنے والے ٹی وی چینل 11 نے انکشاف کیا ہے کہ فلسطین کے علاقے غزہ کی پٹی سے رواں سال مئی کے دوران معرکہ القدس کے دوران راکٹ حملوں کے نتیجے میں عسقلان شہر میں اسرائیلی عمارتوں کو نقصان پہنچا۔
عبرانی ٹی وی چینل کے مطابق غزہ کی پٹی سے داغے گئے راکٹوں کے نتیجے میں اسرائیل کی پٹرولیم کمپنی کازا کے ایک تیل کے گودام کو نقصان پہنچا۔ اس گودام سے عسقلان اور ایلات کے درمیان تیل سپلائی کیا جاتا ہے۔ فلسطینیوں کے راکٹ حملوں سے تیل پائپ لائن میں آگ لگ گئی تھی۔
غیرمعمولی آتش زدگی کے نتیجے میں عسقلان میں یہودی آباد کار شدید دھوئیں سے دم گھٹنے سے متاثر ہوئے۔
