وائٹ ہاؤس کا کہنا ہے کہ امریکی صدر جوبائیڈن کی انتظامیہ کو فلسطینیوں اور اسرائیل کے درمیان جنگ بندی پرعمل درآمد کی’مضبوط یقین دہانی’ حاصل ہوئی ہے۔
وائٹ ہاؤس کی ترجمان جین ساکی نے ایک پریس کانفرنس سے خطاب میں کہا کہ ہمیں تمام اطراف سے غزہ کی پٹی پرعمل درآمد کی مضبوط یقین دہانی حاصل ہوئی ہے۔
انہوں نے کہا کہ امریکا غزہ کی پٹی میں اسرائیل اور فلسطینیوںکے درمیان جنگ بندی پر نظر رکھے ہوئے ہے۔ ان کا کہنا تھا کہ اسرائیل کی فوجی امداد کا پلان تبدیل کرنے کا کوئی منصوبہ زیرغور نہیں۔
ترجمان نے کہا کہ ہمیں اسرائیل کے ساتھ دونوں محاذوں پر آگے بڑھنا ہے۔ ان میں ایک محاذ اسرائیل کی حمایت اور اس کی مدد کرنا ہے۔
ان کا کہنا تھا کہ دونوں محاذوں میں سے دوسرے محاذ پر غزہ کی پٹی کی تعمیر نو اور اقوام متحدہ کے زریعے غزہ کی پٹی میں بحالی کے منصوبوںپرعمل درآمد کریں۔
