فلسطین کے ہائوسنگ کے وزیر ناجی سرحان نے بتایا ہے کہ غزہ کی پٹئی پر اسرائیلی فوج کی 11 روز تک جاری رہنے والی جارحیت کے نتیجے میں اب تک 1800 مکانات مسمارکیے ہیں۔
مرکزاطلاعات فلسطین کے مطابق ایک فلسطینی وزیر نے کہا کہ غزہ کی پٹی پر اسرائیلی بمباری میں 1800 مکانات مکمل طورپر مسمار ہوئے ہیں جب کہ 16 ہزار 800 مکانات کو جزوی نقصان پہنچا ہے۔
غزہ میں ایک پریس کانفرنس کے دوران فلسطینی وزیرسرحان نے کہا کہ صہیونی دشمن نے غزہ کی پٹی پر وحشیانہ بمباری کی جس کے نتیجے میں ایک لاکھ 20 ہزار فلسطینی بے گھر ہوئے ہیں۔ ان میں سے 50 ہزار فلسطینی عارضی پناہ گاہوں میں منتقل کیے گئے ہیں جب کہ 70 ہزار فلسطینی اپنے اقارب کے ہاں ہیں۔
ناجی سرحان نے بتایا کہ اسرائیلی فوج نے غزہ کی پٹی میں بمباری کرکے 5 کثیر منزلہ ٹاور مسمار کیے۔ان میں 74 مختلف اداروں کے دفاتر تباہ ہوئے۔ بمباری میں 44 اسکول تباہ ہوئے۔ تین مساجد شہید ہوئیں جب کہ 40 مساجد کو جزوی نقصان پہنچا۔
انہوں نے کہا کہ اسرائیلی بمباری میںغزہ میں 350 ملین ڈالر کا نقصان پہنچا ہے۔ انہوں نے کہا کہ غزہ کی پٹی میں اسرائیلی بمبارے سے گھروںسے محروم ہونے والے خاندانوں کو 2 ہزار ڈالر فی کس اور جزوی طورپر متاثر ہونے والے گھروں کی مرمت کے لیے فی کنبہ ایک ہزار ڈالر فراہم کیے گئے ہیں۔
