خلیجی ریاست کویت نے فلسطین کے مقبوضہ بیت المقدس شہر میں الشیخ جراح کے مقام پرآباد فلسطینیوں کو بے دخل کرنے اور ان کے خلاف طاقت کےاستعمال کی شدید مذمت کی ہے۔
کویتی وزارت خارجہ کی طرف سے جاری ایک بیان میں کہا گیا ہے کہ الشیخ جراح کے مقام پر آباد فلسطینیوں کو نکال باہر کرنا اور وہاں پر یہودی کالونیاں تعمیر کرنا قابل مذمت اقدام اور اسرائیل کی کھلی غنڈہ گردی ہے۔
بیان میں مزید کہا گیا ہے کہ الشیخ جراح سے فلسطینیوں کو طاقت کے ذریعے بے دخل کرنے اوروہاںپر یہودی کالونیوںکی تعمیر انتہائی خطرناک اقدام ہے۔ اسرائیل فلسطینیوں کو طاقت کے ذریعے فلسطینیوں کو بے دخل کرکے بین الاقوامی قوانین اور انسانی حقوق کی کھلی خلاف ورزی کررہا ہے۔ بیان میں کہا گیا ہے کہ اسرائیلی ریاست کے انتقامی حربے خطے میں دیر پا امن کےقیام کی کوششوں کو ناکام بنانے اور مشرق وسطیٰ میںمحاذ آرائی میں اضافے کا باعث بنیں گی۔
کویت نے القدس میں فلسطینیوں کے خلاف اسرائیلی ریاست کی طرف سے طاقت کے استعمال پر یورپی ممالک برطانیہ، جرمنی، فرانس، اٹلی اور اسپین کی طرف سے جاری بیانات کا خیرمقدم کیا ہے۔ ان بیانات میں یورپی ممالک نے مشرقی بیت المقدس میں الشیخجراح کے مقام سے فلسطینیوںکی بے دخلی کے لیے طاقت کے استعمال کے اسرائیلی حربوں کی مذمت کی گئی ہے۔
