قابض صہیونی فوج نے مقبوضہ بیت المقدس میں کشیدگی کے شکار علاقے الشیخ جراح فلسطینی مظاہرین پرحملہ کردیا جس کے نتیجے میںکم سے کم 22 فلسطینی زخمی ہوگئے۔
عینی شاہدین نے بتایا کہ اسرائیلی فوج کی بھاری نفری نے الکرد خاندان کے گھر پر دھاوا بولا اور ان کے گھر پرآنسوگیس کی شیلنگ اور بم پھینکے۔
ہلال احمر فلسطین کے مطابق اسرائیلی فوج کی فائرنگ سے 22 فلسطینی زخمی ہوگئے۔ ان میں سے 8 کو براہ راست گولیوں کا نشانہ بنایا گیا جب کہ 6 فلسطینی آنسوگیس کی شیلنگ سے زخمی ہوئے۔ قابض فوج نے نہتے فلسطینیوں پر لاٹھی چارج بھی کیا۔
خیال رہے کہ اسرائیلی فوج نے بیت المقدس میں الشیخ جراح کے علاقے میں آباد فلسطینیوں کو وہاں سے طاقت کے ذریعے بے دخل کرنے کا منصوبہ تیار کیا ہے جس کے خلاف فلسطینی مسلسل سراپا احتجاج ہیں۔
