فلسطین وزارت صحت کی طرف سے جاری ایک بیان میں کہا گیا ہے کہ گذشتہ چوبیس گھںٹوں کے دوران فلسطینی علاقوں میں کرونا کے مزید 21 مریض دم توڑ گئے جب کہ 815 نئے کیسز سامنے آئے ہیں۔ چوبیس گھنٹوں کے دوران 1979 مریض صحت یاب ہو گئے۔
فلسطینی وزیر صحت می کیلہ نے بتایا کہ گذشتہ چوبیس گھںٹوں کے دوران غرب اردن میں کرونا کے 15 مریض دم توڑ گئے جب کہ 203 نئے کیسز سامنے آئے ہیں۔ غزہ میں چھ مریض وفات پاگئے اور612 نئے کیسز کی تصدیق کی گئی ہے۔
وزیر صحت کا کہنا تھا کہ فلسطینی علاقوں میں کرونا کے صحت یاب ہونے والے مریضوں کا تناسب 93 اعشاریہ 8 فی صد ہے۔ فعال کیسز 5 اعشاریہ 1 فی صد اور اموات ایک اعشاریہ ایک فیصد ہیں۔
فلسطینی خاتون وزیر صحت کا کہنا تھا کہ غرب اردن کے 136 کرونا مریض تشویشناک حالت میں اسپتال میں داخل ہیں۔ ان میں سے 40 وینٹی لیٹر پر ہیں۔ غرب اردن میں کرونا کےعلاج کے لیے 332 طبی مراکز قائم ہیں۔
