فلسطینی وزارت صحت کے مطابق فلسطین کو کرونا وائرس کی روک تھام کے لیے ویکسین کی دوسری کھیپ پہنچ گئی ہے۔ دوسری طرف فلسطینی اتھارٹی نے کرونا ویکسین کی مزید 45 لاکھ خوراکوں کی خریداری کی منظوری دی ہے۔
وزارت صحت کی طرف سے جاری کردہ ایک بیان میں کہا گیا ہے کہ فلسطین کو ‘کوویکس’ پروگرام کے تحت ویکسین کی نئی کھیپ موصول ہوئی ہے۔
نئی کھیپ میں کرونا ویکسین کی 72 ہزار خوراکیں شامل ہیں۔ انہیں غزہ کی پٹی اور غرب اردن میں شہریوں کو دی جائے گی۔
وزارت صحت کا کہنا ہے کہ غزہ کی پٹی کو کرونا ویکسین کی 28 ہزار 800 خوراکیں فراہم کی جائیں گی جب کہ غرب اردن کے لیے 43 ہزار 200 خوراکیں مختص ہیں۔
